materiales fabricacion

Deskribapena

Ceit-IK4 zentroaren Diseinu eta portaera mekanikoa arloko lan-taldea diziplina anitzekoa da, mekanika, materialen ingeniaritza eta konputazioa uztartzen baititu. Hiru gai nagusitan espezializatuta dago:

  • Makina eta osagaien diseinua, analisia eta ebaluazio teoriko nahiz esperimentala, ideiaren sorreratik fabrikazio-prozesuraino balioa eskainiz. Berau lortzeko kalkuluak, analisi dinamikoak, berdiseinatzeak, xehetasunen diseinua, eta, behar izatekotan, entsegu-bankuen eraikuntza.
  • Materialen konformazio-prozesuen optimizazioa beroan nahiz hotzean (ijezketa, forjaketa, HIP, etab.), teknika esperimentalak eta elementu finituen bitartezko simulazioak (FEM) uztartuz, eta tresna egokienak diseinatuz.
  • Egituraren osotasuna eta zerbitzuaren baldintzen arabera osagaiek izango duten iraupenaren aurreikuspena, propietate mekanikoekin eta mikroegiturarekin lotuta, eta egituraren osotasuna ebaluatzeko eta mekanismoetan akatsak antzemateko teknika esperimental berezien garapena.

Ikerketa-lerroak

  • Makina eta prozesuen karakterizazioa: parametro karakteristikoak zehaztu, eredu teoriko eta neurketa esperimentaletatik abiatuta. Rotodinamika. Zarataren eta bibrazioen transmisioa egituran.
  • Diseinu mekanikoa: mekanismo malguen diseinua (Flexures) akoplamenduetarako eta manipulatzaile robotikoetarako. Makinen diseinua. Hozte-sistemen diseinu termomekanikoa.
  • Materialen konformaziorako modelizazioa: forjaketa-prozesuen eta bero- nahiz hotz-konformazio prozesuen modelizaziorako garapen propioak ditu gure lantaldeak, elementu finituen tekniketan eta osaera-ekuazio aurreratuetan oinarritutakoak.
  • Hauts-metalurgiako eta fabrikazio gehigarriko distortsioen modelizazioa: hautsen bitartez fabrikatutako piezetan distortsioak modelizatzeko tresna propioak ditu lantaldeak.
  • Amaierako formatik hurbil dauden prozesuetarako (near-net shape) tresna eta matrizeen diseinuaren optimizazioa.
  • Hausturen, nekearen, neke termomekanikoaren eta iraupenaren estimaziorako ikerketak eta modelizazioa karga eta tenperatura altuetako egoera konplexuetarako. Esperimentuen garapena, pitzaduren antzemate goiztiarra, eta osagaien entseguak.
  • Entsegu mikromekanikoak, geruza meharren eta estalduren karakterizaziorako, azalarterako, altzairuetarako (fase ezberdinetan, inklusioak, karburoak), eta moldatutako gainazaletarako (erredurak, geruza zuriak, gainazalen tratamendua...). Tentsio-hondarrak neurtzeko teknologia propioa, eskala-sorta zabalean (0,1 µm – 100 mm).

Proiektuak

PM ekipamendua

Merkatuko softwarea nahiz bertan sortutakoa dauka eskura taldeak, ikerketa-lerro anitz garatzeko.

  • ABAQUS: elementu finitu bidezko simulazioa (FEA).
  • MATLAB/SIMULINK/SIMSCAPE: simulazio multifisikoa.
  • ANSYS-FLUENT: CFD fluidoen simulazioa.
  • SIMPACK: gorputz anitzeko simulazioa (MBS).
  • CREO, Windchill, SolidWorks, Solid Edge: CAD/CAM eta proiektuen kudeaketa (PLM).
  • LABVIEW: esperimentuen diseinua, monitorizazioa eta kontrola.
  • LMS Test.Xpress: zarata eta bibrazioen analisia.
  • LMS Test.Lab: modu-analisia.

Gainera, simulazioek eskatzen duten kalkulu-gaitasunerako beharrak asetzeko adinako tresna informatikoak ditu taldeak.

Entsegu-makina estandarrak eta jarraian ageri diren teknologia bereziak ere baditu lantalde honek eskura:

  • Abiadura altuko (14 m/s artekoa) trakzio-deformazioa tenperatura altuetan.
  • Ziklo kopuru txikiko neke biaxialerako entsegu-makina (trakzioa/konpresioa, bihurdura, ±10 kN, ±100 N·m).
  • Beroan eta karga altuetan (±250 kN) ziklo-kopuru txikiko neke-entseguetarako makina.
  • Nanoindentazioa eta nanoscratching.
  • Karga altuko (120 kN arte) eta maiztasun baxuko (10 Hz arte) entsegu-makina.
  • Karga baxuko (20 kN arte) eta maiztasun altuko (400 Hz arte) entsegu-makina.
  • Helburu anitzetarako eragile hidraulikoko bankada (30 Hz eta 25 kN arte).
  • Modulu elastikoen eta tenperaturaren araberako eroankortasun termikoaren neurgailua.

Gainera, Ceit-IK4 zentroak mikroegituren karakterizaziorako mikroskopio optiko eta elektronikoak (SEM, FEG-SEM, TEM, EBSD, EDS, etab.), mikro eta nano mekanizaturako FIB-FSEM, eta tentsio-hondarrak eta ehundurak neurtzeko X izpien difrakzio gailuak ere baditu.

Lan esperimentalak gauzatzeko bestelako ekipamendua:

  • Desplazamendu-sentsoreak: neurri anitzetako potentziometroak eta LVDT.
  • Azelerometroak: piezoelektrikoak, MEMS, piezoerresistiboak, uniaxialak, triaxialak, etab.
  • Beste hainbat: presio-sentsoreak, inklinometroak, giroskopoak, galga extensometrikoak, etab.
  • Mikrofonoak, sonometroak, etab.
  • Azelerometroak. Azelerazio-maila eta maiztasunaren banda-zabalera anitz.
  • Indar-transduktoreak.
  • Indar-transduktoredun inpaktu-mailuak.
  • Irabiagailuak eta kitzikagailuak.
  • Datuak eskuratzeko sistemak: LMS SCADAS Mobile. 16 sarrerako kanala eta 2 irteerako kanala.
  • Pirometroak, kamera termografikoak, etab.