Historia

1961. urtean, Nafarroako Unibertsitateko Ingeniaritza Eskolak (Tecnun) Donostian ekin zion bere ibilbideari, eta Espainiako laugarren ingeniaritza eskola bihurtu zen. Abiaburutik bertatik, Metalurgiarekin lotutako ikerkuntzarekin osatu zuen irakaskuntza lana, Gipuzkoak berez duen industria tradizioa kontuan izanda.

1963. urtean, CIT sortu zen, Ikerkuntza Teknikoen Zentroa, garai hartako Gipuzkoako Aurrezki Kutxa Probintzialak (gerora Kutxa izango zena) emandako babes eta finantzaketari esker, proiektuak eta zerbitzuak enpresetara bideratzeko helburuarekin.

1967. urtean, etorkizunari begirako ikuspegiarekin, Ingeniaritza Eskolak hiru eraikin ireki zituen, ikerkuntza laborategiak bertan jartzeko. Hala, martxan jarri zuen Mekanikako, Elektronikako eta Ingurumen Ingeniaritzako I+G.

1982. urtean, Ceit (Ikasketa eta Ikerkuntza Teknikoen Zentroa) eratu zen; alegia, irabazi-asmorik gabeko ikerkuntza zentroa. Juridikoki Unibertsitatearekiko independentea zen, baina bi erakundeetan ziharduten pertsonek partekatutako proiektu bateratu bati esker, harekiko lotura hertsia zuena. Berehala bihurtu zen Eusko Jaurlaritzaren babespeko zentro, eta erabilera publikokotzat jo zuten.

1990. urtean, 104 pertsona zebiltzan lanean Ceit-en.

1991n, Mikrosistemei buruzko ikerkuntza lanari heldu zioten.

1996. urtean eratu ATM zen, Ceit-en aurreneko spin-offa.

1997an, Komunikazioei buruzko ikerkuntza lanari heldu zioten.

2000. urtean, 176 pertsona zebiltzan lanean Ceit-en.

2005. urtean, beste hiru euskal ikerkuntza zentrorekin batera, IK4 Aliantza eratu zuen. Eredu federal baten arabera egin zuten; esan nahi baita, bertako kideek euren estrategiak partekatu eta gaitasunak konbinatuta, norberaren burujabetasunari uko egin gabe.

2006. urtean, Ceit-en eraikin berria inauguratu zen, Miramongo Teknologia Parkean, eta bertara lekualdatu zen Elektronika, Komunikazio eta Mikrosistemen ikerkuntza.

2013ko irailean, Ingeniaritza Biomedikoko Zentroa jarri zuten martxan Tecnunek eta Nafarroako Klinika Unibertsitateak. Ikerkuntza zentro horretan, ingeniaritzaren, biozientzien eta enpresen arloko profesionalen artean gauzatzen dute I+G.

2018. urtean, 245 pertsona ari dira lanean Ceit-en. 1996az gero, gainera, hamahiru spin-off sortu dira, balio erantsi handia duten profileko 300 pertsonari lana ematen diotenak.

2020. urtean, 200 pertsonatik gora ari dira lanean Ceit-en. 1996az gero, gainera, hamabost spin-off sortu dira, balio erantsi handia duten profileko 300 pertsonari lana ematen diotenak.

2020ko ekainean Ceit-eko Atomizazio Planta Pilotua inauguratu zen Miramongo Parke Teknologikoan.