Kode etikoa
Ceitek aitortzen eta onartzen du ezagutzaren erabilera gizakiaren duintasunarekin bat datozen irizpide etikoek gidatuko dutela uneoro, zentroak onartutako Kode Etiko honetan jasotzen denaren arabera:
Ceiten helburu nagusia gizarteari zerbitzu ematea da, ikerketa eta ikertzaile gazteen prestakuntzaren bidez. Kide guztien jardun profesionala eta sortutako ezagutzaren erabilera gidatzeko, honako printzipio orokor hauek ezartzen dira:
- Zintzotasuna, portaera ororen oinarrizko printzipio gisa.
- Erabakiak hartzeko erantzukizuna, batez ere segurtasunari, osasunari eta ongizate publikoari eragiten dietenak, eta ikerketan zabarkeria mota oro baztertzea.
- Indarrean dagoen legeria zorrotz betetzea.
- Baliabide publikoak eta pribatuak eraginkortasunez erabiltzea.
- Ingurumena eta gizakiaren eskubide besterenezinak errespetatzea, sortu zenetik.
- Lanaren ondoriozko interes-gatazkak identifikatzea, eta tartean diren alderdiei informazioa ematea, halakorik dagoenean.
- Jabetza intelektualarekiko errespetua, edozein modutan.
- Lankidetza profesional leiala gainerako ikaskideekin eta beste erakunde batzuekin.