Hondakin urak tratatzearen ondorioz sortutako lokatzaren bidez energia sortzea eta mantenugaiak berreskuratzea

Ceit Zentro Teknologikoak ThermoGas proiektuan parte hartzen du, ingurune errealetan baldintza termofiloetako lokatzen digestio anaerobioko teknologia (DAT) ikertu, optimizatu eta baliozkotzea helburu duen ekimenean.

Teknologia berritzaile horrek mantenugaiak berreskuratzeko, energia ekoizteko eta hiriko zein industriako hondakin-uren tratamendutik eratorritako lokatzak modu eraginkor eta seguruan higienizatzeko ahalmena du.

ThermoGas, Estatuko Ikerketa Agentziak finantzatua, Ceit Zentro Teknologikoaren, NILSAren, GyD Tecnología del Agua ren, Zaragozako Unibertsitatearen eta Bartzelonako Unibertsitatearen arteko lankidetza publiko-pribatuaren ondorioz sortu zen.

Baldintza termofiloetako digestio anaerobioa (DAT) hiriko eta industriako hondakin-uren tratamendutik datozen lokatzak eraginkortasunez eta segurtasunez sortzeko eta higienizatzeko aukera ematen duen teknologia da. Hala ere, ezarpen oso mugatua du, abian jartzeko eta modu eraginkor eta egonkorrean jarduteko zailtasun teknologikoak daudelako.

ThermoGas proiektuak (Lokatzen tratamendua digestio anaerobio termofiloaren bidez: teknologiaren azterketa eta optimizazioa mikrobiologiatik, ingeniaritzatik eta simulaziotik abiatuta) lokatzen digestio anaerobioko teknologian baldintza termofiloetan dauden gabeziak konpontzea du helburu. Era berean, soluzio integratu, efiziente eta segurua garatzea du helburu, osaketa eta lehortasun desberdineko lokatzen nahasketetarako ezarpen orokorra errazteko, mantenugaiak berreskuratzea eta biogasa ekoiztea errazteko eta ondoren nekazaritza-balorizazioa egiteko egonkortze eta higienizazio maila egokia bermatzeko.

ThermoGas, Estatuko Ikerketa Agentziak finantzatua, Ceit Zentro Teknologikoaren, NILSAren, GyD Tecnología del Agua ren, Zaragozako Unibertsitatearen eta Bartzelonako Unibertsitatearen arteko lankidetza publiko-pribatuaren ondorioz sortu zen.

Erabakiak hartzeko laguntza-eredu bat

Proiektuaren helburuen artean, digestoreek egoki funtzionatzeko erabakiak hartzeko laguntza-eredu bat eraikitzea dago. Testuinguru horretan, Ceit arduratuko da solidoen kontzentrazio altuko baldintzetan DAT planta pilotu bat instalatzeaz eta abiarazteaz, baita hura eragiketaren baldintza termofiloetara egokitzeaz ere.

Osagarri gisa, Ceitek lokatzen DATaren eredu matematiko dinamiko berri bat eraiki eta kalibratuko du, hainbat ingurumen-baldintzatan digestioaren mekanismo biokimikoak xehetasunez deskribatzeko gai izango dena. DATen eredu matematiko berria, halaber, hondakin-uren araztegietan digestore anaerobioen eragiketa gidatzeko sortutako Eragiketari Laguntzeko Sistemaren (SAO, gaztelaniazko siglen arabera) prototipo bat diseinatzeko oinarria izango da.

Mantenugaiak berreskuratzea eta energia sortzea

Horrela, ThermoGasen teknologia berritzaileak mantenugaiak berreskuratzeko, energia ekoizteko eta hiriko zein industriako hondakin-uren tratamendutik eratorritako lokatzak modu eraginkor eta seguruan higienizatzeko ahalmena izango du.