NONDAGO proiektua industria instalazioetan barne-logistika arrakastaz optimizatuz bukatu da

NONDAGO proiektua arrakastaz amaitu da, non Ceit zentro teknologikoak parte hartu duen, eta hiru urteren ondoren eta bi milioi euro baino gehiago inbertituta, instalazioan denbora errealeko posizionamenduko zortzi tresnen garapena eta baliozkotzearekin gailendu da

Garapenak produkzioan % 8ko hazkundea ekar dezake, prozesu logistiko efizientzia handiagoaren bitartez eta produkzio instalazioetan mugimenduan dauden elementu guztien jarraipena denbora errealean optimizatzea ahalbideratuko du.

4.0 industrian etorkizuneko fabrikarantz aurrera egiteko posizionamendu sistemetan oinarritutako instalazioko lanen produktibitatea, logistika eta segurtasuna hobetzea lortuko duten teknologia, soluzio eta zerbitzu berriak garatu behar dira.

Testuinguru horretan, Euskadiko enpresen eta zentro teknologikoen partzuergo batek, artean Ceit zentro teknologikoa dagoena, NONDAGO produkzio instalazio baten mugimenduan dauden elementu guztiak denbora errealeko jarraipena optimizatzea eta etorkizuneko fabrika sortzeko urratsak ematea lortzeko proiektua jarri zuen martxan posizionamendu teknologia berriak garatzeko helburuarekin.

Hiru urteko ikerketaren ondoren eta 2,2 milioi euro inbertituta, NONDAGO proiektuak produkzio industrial instalazioetan ezar daitezkeen tresnak garatu eta balioztatu ditu, eta produkzio instalazio batean mugimenduan dauden elementu guztiak denbora errealeko jarraipena optimizatzea ahalbideratuko du, «inguru ezezagun» zein espazio itxietan.

Kostuetan aurreztea eta lehiakortasuna hobetzea

Hala, garatutako eta balioztatutako tresnak lanen segurtasuna, produktibitatea eta logistika hobetzea ahalbideratuko dute 4.0 industria instalazioan. Zehazki, prozesu logistikoetan produktibitatea % 8 igotzen, zubi-garabien ibilbidea % 12 murrizten eta orga jasotzaileen mugimenduak % 10 murrizten lagunduko dute. Ondorioz, ekoizpen kostuetan aurreztu da eta enpresen lehiakortasuna hobetu da.

Egoera errealistetan zortzi tresna baliozkotzea

NONDAGO proiektuak posizionamenduko teknologia aurreratuen garapena uztartu du, hala nola, Ultra Wideband (UWB), Bluetooth 5.1 AoA edo laser teknologietan oinarritutako sistemak; datuen eta software kudeaketaren analitika aurreratuen soluzioen garapenarekin batera instalazioetan mugimendua optimizatzeko eta lanen segurtasuna hobetzeko. Zehazki, egoera errealetan balioztatu diren zortzi tresna garatu dira, hala nola, zubi-garabien, orga jasotzaileen edo beso robotikoen mugimenduen jarraipenean, molde eta tresneria aldaketetan, baita espazio itxietako pertsonen monitorizazioan ere.

Datuen bilketari eta datuen analitikaren eta kudeaketa softwarearen babesari esker, instalazioan mugimendu horiek optimizatzea eta alertak bidaltzea lortu da, lanen segurtasuna hobetuz eta produkzioan denbora eta kostuak murriztuz.

Ceit hiru ikerketa ildotan aritu da lanean

Ceitek proiektuan berebiziko garrantzia izan du, aplikazio industrial ezberdinetan balioztatzeko UWB teknologian oinarritutako posizionamendu sistemen teknologia egokituz. Analitika aurreratuan eta informazioaren kudeaketaren teknologietan algoritmo berrien garapenean ere lagundu du. Zentroak, batez ere hiru ikerketa ildo landu ditu: ingurune ezezagunetan lan egiteko gai diren posizionamendu gailu berrien garapena, produkzio prozesuen monitorizazio efizienteagoa ahalbidetuko duten analitika aurreratuko algoritmo berrien diseinua eta bistaratzeko zein erabakiak hartzeko informazioaren kudeaketa teknologia berrien garapena.

Posizionamenduaren teknologia aurreratuko soluzio berri hauen garapenak sektore industrialerako abantaila esanguratsuak ekarriko ditu, prozesu efiziente eta malguak, lanen segurtasun eta automatizazioan hobekuntzak barne, baita ingurumen inpaktuaren murrizketa ere.

NONDAGO Eusko Jaurlaritzaren HAZITEK programak finantzatzen du, eta Deusto SEIDOR du buru. DOMINION, Geograma, IDK, i2U, SEGULA Technologies eta VI4Crane enpresek eta Zientziako, Teknologiako eta Berrikuntzako Euskal Sareko (ZTBES), Ceit eta Euskadiko Mugikortasun eta Logistika Klusterra zentroek osatzen dute.